«Шахтер» U-21 командасының негізгі құрамында алаңға мына ойыншылар шықты: Алибек Маратов, Максим Холод (к), Даниял Таханов, Рустам Жанхаев, Тагир Сакенов, Кирилл Сатжанов, Руслан Белобородый, Султан Шымырхан, Глеб Макридов, Мансур Дильмурат және Максим Комиков.
Алаң иелері ойынды белсенді бастап, 4-минутта есеп ашты: бұрыштамадан кейін команда капитаны Максим Холод допты баспен қақпаға дәл бағыттады. Он минуттан соң «кеншілер» тағы да стандартты жағдайда көзге түсті — Тагир Сакенов (14’) бұрыштамадан кейін гол авторы атанды.
22-минутта Максим Комиков айып алаңына еніп, Глеб Макридовқа дәл пас берді. Ол өз кезегінде есепті ірі нәтижеге жеткізді — 3:0.
Бірінші тайм толықтай «Шахтердің» Ж басымдығымен өтті.
Үзілістен кейін алаң иелері ойын тізгінін өз қолында ұстап, нәтижені сенімді түрде сақтады. Кездесудің соңында қонақтар есеп айырмасын қысқартқанымен, бұл матч нәтижесіне әсер еткен жоқ — 3:1.
Бас бапкер Максим Николаевич Самченко жетекшілік ететін команда «Солтүстік-Шығыс» конференциясында көшбасшылықты сақтап келеді.
Шахтёр
Экибастуз
