«ШАХТЕР» U-17 КОМАНДАСЫНЫҢ БАС БАПКЕРІ РАФАЭЛЬ РЕВКАТОВИЧ ХАМИДУЛЛОВТЫҢ МАТЧТАН КЕЙІНГІ СҰХБАТЫ

— Ең алдымен, бүгінгі матч үшін «Қайсар» командасына алғысымды білдіргім келеді. Ойыннан алған әсерім екіұшты. Бір жағынан, кездесу біздің бақылауымызда өтті: алаңдағы аумақтық басымдыққа ие болдық, ойын барысын сенімді түрде қадағалап, мазмұнды әрі жүйелі футбол көрсеттік. Алайда матчтың соңындағы бір сәттік босаңсуымыз тағы да қажетсіз қобалжулы аяқталуға әкелді. Шын мәнінде, мұндай жағдайдың алдын алуға болатын еді. Өтпелі фазада қателік жіберіп алдық, бұл ойын нәтижесіне әсер ете жаздады. Футбол 90 минутқа созылады, ал біз 89-минутта қарсыласқа ойынға қайта оралуға мүмкіндік беріп қойдық. Бұл эпизодты міндетті түрде талдап, тиісті қорытынды шығарамыз. Мұндай жағдайдың енді қайталанбайтынына сенімдімін. Командамыз осы компонентте одан әрі күшейе түседі.