Алғашқы ойынды ҚФФ Академиясы U-16 командасына қарсы өткіздік. Бұл – құрамы теңгерімді, орындаушылары сапалы ұжым. Кездесу пайдалы әрі мазмұнды спарринг болды, ойлануға көп мүмкіндік берді. 1:0 есебімен жеңіске жеттік. Шабуылдағы әрекеттеріміз көңілден шықты, алайда өтпелі фазаларда біз күткендей деңгейде болмаған сәттер болды — бұл бағытта жұмысымызды жалғастырып жатырмыз.
Бүгін Ақтау қаласының «Каспий» командасымен ойнадық. Өткен маусыммен салыстырғанда құрамдары айтарлықтай жаңарған, жас ойыншылар көп. Сондықтан олардың мүмкіндіктерін көру қызықты болды. Ойынға нақты матч-жоспар құрылды, соны шамамен 60–65 минут ұстандық. Қазіргі таңда команда екі мезгілдік жаттығу режимінде, жоғары жүктемемен жұмыс істеп жатыр. Сондықтан барлық футболшыларға ойын тәжірибесін беру — біздің басты міндеттеріміздің бірі.
2:0 есебімен жеңіске жеттік, нәтиже заңды деп есептеймін. Есепті ұлғайтуға да мүмкіндігіміз болды. Ең бастысы — қарсыласқа қақпамыз маңында іс жүзінде еш мүмкіндік берген жоқпыз. Шабуылдан қорғанысқа ауысу фазасында оң динамика байқалады — теориялық сабақтарда дәл осы бағытқа ерекше мән берген едік.
Бүгін допқа бақылау жақсы болды, шабуылдар мен қауіпті сәттер жоғары деңгейде ұйымдастырылды. Жалпы ойын мазмұнына көңілім толады.
Шахтёр
Түркістан
