Бұл ойын Дмитрий Огайдың жетекшілігіндегі команда үшін алғашқы матч болды. Бапкерлік штаб кездесуді жас футболшыларды, сондай-ақ қаралымдағы ойыншыларды бағалау мақсатында пайдаланды.
Матч «Шахтёр» клубының YouTube-арнасында және @qsportqazakstan телеарнасында тікелей эфирде көрсетілді. Сонымен қатар матч алдындағы және матчтан кейінгі студиялық қосылымдар ұйымдастырылды.
Алдағы маусымда клуб жас футболшыларға басымдық бермек. Матч алдында «Шахтёрдің» жас ойыншысы Глеб Макридов оқу-жаттығу жиыны туралы пікірін білдірді: «Жиын өте жақсы өтіп жатыр, алдағы маусымға берік іргетас қалануда. ҚПЛ-ға шығу міндетін орындау үшін бар күшімізді саламыз. Бұл – менің негізгі командамен алғашқы жиыным, сондықтан Бірінші лигада ойнай алатынымды дәлелдегім келеді. Командадағы жағымды атмосфера да соған ықпал етеді: тәжірибелі ойыншылар жастарды қолдап, барлық жағынан көмектесіп жүр».
Есеп 26-минутта ашылды — Роман Божко мергендік танытты. Ал екінші таймда «Шахтёрдің» басымдығын Артём Литош 59-минутта соққан голымен нығайтты.
Бірінші таймда алаңға шыққандар: Килджиев, Қағазбаев, Рудосельский, Божко, Ахмедов, Асылбаев, Оспанов, Галкин, Орынбасар, Прокопенко, Қалыбаев.
Екінші таймда ойнағандар: Нұрғалиев, Мигунов, Зубайділда, Васильченко, Савкив, Азамат, Мұхаметжанов, Ақылбаев, Нурмугамет, Пак, Литош.
Матчтан кейін Артём Литош кездесудің ең алдымен дайындық сипатта болғанын атап өтті: «Әрине, жеңіске жету жағымды, бірақ бұл матчта бастысы ол емес еді. Ең маңыздысы — өзімізді тексеру, күшті және әлсіз тұстарымызды көру. Күшті жақтарды жетілдіріп, әлсіздерін түзетуіміз керек. Осы бағытта жұмысымызды жалғастырамыз. Алда тағы екі оқу-жаттығу жиыны бар, сол жерде бабымызды толықтырамыз. Чемпионат басталғанға дейін оңтайлы жағдайға келеміз».
«Шахтёрдің» оқу-жаттығу жиыны жалғасуда. Келесі бақылау матчын команда 22 қаңтар күні «Фероникели» (Косово) клубына қарсы өткізеді.
Шахтёр
Түркістан
