АРТЕМ ЛИТОШТЫҢ ХЕТ-ТРИГІ

«Шахтёрдің» бастапқы құрамында алаңға Килджиев, Нурмугамет, Оспанов, Литош, Прокопенко, Галкин, Таипов, Айманов, Васильченко, Мигунов, Богачёв шықты.

Матчтың алғашқы минуттарынан бастап Артём Литош белсенділік танытып, екінші минутта айып алаңының сыртынан қауіпті соққы жасады. Бірінші тайм бойы ол қарсылас қорғанысына айтарлықтай қиындық туғызып, 38-минутта айып соққысын дәл орындап, есеп ашты. Екі минуттан кейін Максим Галкин «кеншілердің» басымдығын арттырды.

Екінші тайм басталысымен Артём Литош 16-секундта гол соғып, дубль авторы атанды. Команданың төртінші голын Рифат Нурмугамет өз еншісіне жазды. Одан кейін Литош тағы бір мәрте көзге түсіп, хет-трик рәсімдеді. Ал матчтың нүктесін Арман Нусип қойды — 6:1 «Шахтёрдің» пайдасына.

Айта кетейік, Артём Литошқа хет-трик жасау үшін небәрі 28 минут жеткілікті болды. Жас қақпашы Никита Килджиев үшінші «құрғақ матчін» өткізді. Жалпы, «Шахтёр» қысқа уақыт ішінде жоғары нәтижелілік көрсетіп, 43 минут аралығында 6 гол соқты (38-ден 81-минутқа дейін).

«Шахтёр» матчты сенімді өткізіп, жоғары қарқын, сәтті мүмкіндіктерді пайдалану және үйлесімді командалық ойынды көрсетті. Андрей Финонченконың жетекшілігіндегі команда қарқын алып, Бірінші лига біріншілігінде көшбасшылыққа таластағы амбициясын дәлелдеуде.