«ШАХТЕР» U-17 КОМАНДЫСЫНЫҢ БАС БАПКЕРІ РАФАЭЛЬ ХАМИДУЛЛОВ:

- Бүгінгі матч үшін қарсылас командаға алғысымды білдіргім келеді. Ойын барысында жоспарлағанымыздың бәрін толық орындадық. Бұл матчқа мұқият дайындалдық. «Ақтөбе» командасы жақсы жеңістер сериясымен келе жатқан еді. Сондықтан біз үшін ойынға тактикалық тұрғыдан дұрыс дайындалып, дұрыс тәсілмен шығу өте маңызды болды.

Бүгін жоспарлағанымыздың бәрін жүзеге асырдық. Қысқа және орта қашықтықтағы пастар арқылы ойынды құруды вертикальді пастармен ұштастырдық. Өтпелі кезеңдерде де жақсы жұмыс істедік. Осы компоненттердің барлығы бірігіп, бүгінгі нәтижеге жеткізді.

Жақсы голдар соқтық деп есептеймін. Позициялық шабуылдардан кейін де, өтпелі сәттер мен жылдам шабуылдардан кейін де гол соқтық. Жалпы, бүгін команда ойын жоспарын толық орындап, осы нәтижеге лайықты түрде қол жеткізді деп ойлаймын.