Мұндай іс-шаралар Академиядағы тәрбиелік жұмыстың маңызды бөлігі болып табылады. Олар жас спортшыларға күнделікті жаттығу үдерісін әртараптандыруға ғана емес, сондай-ақ командалық рухты нығайтуға, өзара әрекеттесу дағдыларын дамытуға, көшбасшылық қасиеттерді қалыптастыруға және тосын жағдайларда жылдам шешім қабылдауға үйретеді.
Пейнтбол ойыншылардан жоғары зейінділікті, тактикалық ойлауды, жылдам реакцияны және ұйымшылдықты талап етеді. Бұл қасиеттердің барлығы футбол алаңында да аса қажет. Сондықтан мұндай белсенді демалыс түрі тек көңіл көтеру емес, сонымен қатар футболшыларға командалық жұмыстың маңызын басқа қырынан сезінуге мүмкіндік берген өзіндік тәжірибе болды.
Жас футболшылар ойынға үлкен қызығушылықпен қатысып, жеңіске деген жігерін, өзара қолдауын және командалық бірлігін көрсетті. Алаңда достық атмосфера орнап, барлық қатысушылар көтеріңкі көңіл-күй мен жарқын әсер алды.
«Шахтер» академиясында тәрбиеленушілердің тек спорттық дайындығына ғана емес, олардың жан-жақты дамуына да ерекше көңіл бөлінеді. Жарыстар арасындағы үзіліс кезеңінде де жас футболшылар клуб өмірінен қол үзбей, жаңа әсерлер алып, командалық бірлікті нығайтуды жалғастыруда.
Осындай іс-шаралар тәрбиеленушілерге сергіп, жағымды эмоциялар жинауға және жаңа күш-жігермен жаттығу процесіне оралып, спорттық мақсаттарына қарай нық қадам жасауға мүмкіндік береді.
Шахтёр
Елимай Ж
