«ШАХТЕР» ҚҰРАМЫНДА ЖАҢА БАПКЕРЛЕР!

Кеншілер құрамына қош келдіңіздер!

Аты аңызға айналған чех футболшысы ФК «Шахтермен» келісімшартқа қол қойды. Иржи Ярошек бүгіннен бастап ФК «Шахтердің» жаттықтырушылар құрамына қосылды. Иржи Ярошек – аңызға айналған футболшы, Англия чемпионы «Челсидің» құрамында, Ресей чемпионы «ЦСКА»-да, Шотландия чемпионы «Селтик» құрамында, Чехия чемпионы «Спарта» командасында ойнаған.

Ол ФК «Спарта», ФК «Ружомберок», ФК «Теплице» және басқа клубтарды жаттықтырған.

Сонымен қатар, «Шахтер» командасының жаттықтырушылар құрамына мол тәжірибесі бар Петар Алексеевич пен Джозеф Муха қосылды. «Шахтерде» жаттықтырушылар құрамында Қарағанды футболының аңызы Андрей Финонченко, сондай-ақ Игорь Маштаков пен Сергей Ткачук жұмысын жалғастырады.